2018 жылы 2-4 қарашада Бейжіңдегі Орталық Ұлттар университетінде екінші реткі “ЖОО-ның қазақ тілі жарысы” сәтті өтті. Жарысты ұйымдастырушы – Орталық Ұлттар университетінің Қазақ тіл-әдебиеті факультеті. Осы реткі жарсықа Шанхай Шет Тілдер университеті, Сиань Шет Тілдер университеті, Шыңжаң университеті, Іле Педагогикалық университеті және Орталық Ұлттар университетінің қазақ тілі мамандығының студенттері қатысты.

Шанхай Шет Тілдер университетінің Ресей, Шығыс Еуропа және Орта Азия институтының қазақ тілі мамандығының Пэн Жифэн, Цзуй Сяомин, Ли Цзысин және Ляо Цзысюань қатарлы төрт студенті жарысқа қатысып топтық екінші жүлдені жеңіп алды.

Бұл жарыстың мақсаты: ЖОО арасында әділ және салауатты бәсекелестік ұйымдастыру ғана емес, сонымен қатар оқытушылар мен студенттер үшін қазақ тілі бойынша оқыту және үйрену тәжірибесімен алмасу.

Соңында ШШТУ Орталық Ұлттар университетінің осы реткі жарысты ұйымдастырғаны үшін алғысын айтып, келесі байқаудың бұдан да жақсы болатынына сенімін білдірді.